Georg og félugur...
...vinsælur alstaðar! Ég er ekki eins léleg í stafsetningu og þið haldið af þessari fyrstu setningu, heldur er hún meðvitað höfð röng. Þannig er að ég var stödd á Glerártorgi við annan mann á föstudaginn síðastliðinn. Á Glerártorgi var margt um manninn í tilefni jóla auk þess sem Georg skrípadýr íslandsbanka ætlaði að koma til þess að heilsa upp á mannskapinn. Mikil tilhlökkun var meðal barnanna enda er Georg mikið goð í augum þeirra og allt í góðu með það. Svo mætti Georg á svæðið, um 30 min of seint og tilkynnti börnunum að það væri gaman að vera komin til Akureyri, já hann sagði Akureyri ekki Akureyrar! Auk þess var eitthvað meira sem hann var ekki allveg klár á hvernig ætti að beygja rétt.
Þá langar mig til að varpa fram spurningum;
Eiga fyrirmyndir barnanna ekki að tala gott og vandað mál?
Eiga fyrirmyndir barnanna ekki að mæta stundvíslega?