Tónlistamaður vikunnar...

...er kominn í frí vegna anna síðueigenda. Þegar hægjast fer um í skólanum þegar kemur fram á vor gæti verið að þessi liður verði tekinn upp aftur.

Börn

Mér finnst Angelina Jolie vera sjúk manneskja, núna rétt í þessu er hún komin til Víetnam til þess að ná sér í enn einn krakkan. Fékk flýtimeðferð á ættleiðingarferlinu. Mér finnst ekkert að því að ættleiða börn, langt því frá. Mér finnst hins vegar mjög sjúkt hvernig sumar stjörnurnar í Hollywood nýta sér þetta til þess að fá athygli, "já sækjum okkur bara einn krakka í þessari viku, eigum við að gera eitthvað villt og hafa þá tvo í þeirri næstu? jafnvel þrjá?".

The Ark

The Ark er glamúrgrúppa sem var að vinna Melodifestevalen um síðustu helgi í Svíþjóð. Þeir verða því framlag Svía til Eurovision þetta árið. Mér skilst að hljómsveitin hafi byrjað að spila saman árið 1991. En nánari upplýsingar má finna á heimasíðu hljómsveitarinnar thearkworld.com!

The Worrying Kind, framlag Svía til Eurovison árið 2007

Afmæliskveðjublogg

Þar sem ég er nú á leið úr bænum ja og af landi brott og verð ekki heima til að taka á móti kveðjum á 25 ára afmælinu mínu þá er eins og áður segir opið hús fyrir pakka heima og svo er hægt að skilja eftir afmæliskveðju í kommentakerfinu við þetta afmælisblogg :)

Árshátíðin og tónleikar

Árshátíðin var mjög skemmtileg, sérstaklega bar af skemmtiatriði kennaradeildarinnar og svo ræða staðgengils rektors :) Maturinn var fínn, Sigmar veislustjóri alveg að standa sig og svo dansað fram á rauða nótt undir tónum völdum af Páli Óskari, gerist það betra?

Fór svo á sinfóníutónleika í dag, hljómsveitin hennar Sólveigar systur var að spila með sinfó og var þetta hin besta skemmtun!

Lisa Ekdahl

Tónleikarnir með Lisu voru hrein og klár snilld og sem betur fer tók hún mitt uppáhaldslag "Vem vet" (lagið sem ég benti ykkur á hér að neðan). Lisa er hreint út sagt eins og engill, stóð þarna á sviðinu með sitt englahár og söng eins og engill svo innilega frá hjartanu.