Ferðalög
Þegar maður er í vaktavinnu þá er oft mikið um stutt frí sem oft eru aðeins einn dagur. Misjafnlega gengur að nýta þessa daga. Stundum gerir maður bara ekki neitt á þeim. Mér hefur reyndar tekist að fara í tvö stutt ferðalög í sumar. Annað er út á Gásir þar sem við fórum í fjöruna og gengum út að uppgröftinum á Gásakaupstað. Og hitt er þegar við keyrðum inn í Svarfaðardal og rúntuðum þar um.

Í ferðinni á Gásir náði ég að tína 10 nýjar tegundir í plöntusafnið mitt sem ég byrjaði að safna í síðasta sumar. Þannig að nú á ég 56 tegundir í safninu. Ég tók mig til og lagaði til í plöntusafninu og er það núna komið í snyrtilega stafrófsröð :)

Jú möst bí kiddíng!
Ég hlakkaði svo til þess að fara að horfa á Hálandahöfðingjan í kvöld en nei, það er handboltaleikur!

Þá er það komið á hreint!


Ekki nóg með að þvottavélar éti sokka, þá glefsa þær líka í þá eins og sjá má á þessari mynd!

Hringinn í kringum landi

Það er merkilegt hvað fólk þrjóskast við að hjóla, ganga, sigla og ábyggilega eitthvað meira í kringum landið til þess að vekja máls á góðum málefnum og safna styrkjum. Síðasta sumar voru nokkrir leiðangrar í kringum landið og ábyggilega eitthvað álíka þetta sumarið. Ég veit ekkert hverjir þetta eru sem eru í þessum leiðöngrum né til styrktar hverjum þeir eru. Tek sem sagt ekkert sérstaklega eftir þessu nema þá þegar maður sér í blöðunum fréttaskot um þetta.

Ég skil bara ekki hvað fólk fær út úr þessu. Held að sami strákurinn og gerði eitthvað í fyrra sé að fara hringinn aftur í ár. Af hverju? Af hverju fer fólk ekki bara að selja klósettpappír eða fær sér almennilega vinnu til þess að vinna sér inn hellings pening til þess að geta styrkt málefnin?